前晚2016年叱咤樂壇流行榜頒獎典禮圓滿結束。其中最令人意想不到的是鄭欣宜（Joyce）在叱咤頒獎禮中成為大贏家，憑《女神》一曲，獲取專業推介第三位、我最喜愛的歌曲大獎和我最喜愛的女歌手3個獎項。
答應媽咪（肥姐）要爭氣要學乖
欣宜上台幾次攞獎，要數黃偉文幫她拉票時，場面溫馨感人。欣宜上台時，即戴上一副肥姐的招牌眼鏡，獲全場熱烈掌聲。
欣宜激動的說：「9年前，我失去了一個同我相依為命、在我生命中最重要、最重要、最重要嘅人，佢過咗身之後，我同佢（肥姐）講，我會叫自己爭氣，我會乖。佢係一個最識得令大家都開心，令朋友和諧嘅人，對家人好孝順，我覺得我失去佢之後，我問自己，我點樣可以做到佢咁樣，我講咗出嚟喇，我要爭氣，我要乖，但係我唔似得佢，我唔識講嘢，我唔識點樣對人。」此時欣宜已哽咽。
欣宜深呼吸再說，在過去的9年，經歷太多，「有人同我講，你不如唔好唱歌，你不如返加拿大讀書啦，但我好任性，我話你俾我試試，但係當初冇人知我想唱歌，咁我就拍劇囉。」她說：「拍劇都幾好吖!跟住都無咩人肯掂我。直至Herman Ho出現，唱片公司又肯簽我，當時收到300幾宗投訴，佢都肯簽我。」說時她已不停抹淚：「我要特別感謝在這9年來，唔鍾意我，同鍾意我嘅人。」
她真誠說出：「我想多謝我媽咪。」
秋官：欣宜叻過我望她更進步
欣宜最後發言：「6年前我攞女新人銅獎，返屋企冇人同我慶祝，對住四面牆，我覺得唔係賺到呢首歌，係賺到好多錫我嘅人，我知我今晚返屋企會有好多朋友同我慶祝！」
身為爸爸嘅鄭少秋（秋官）梗係開心到不得了，昨日秋官接受媒體電話訪問時表示：「梗係開心啦，我噚晚(1日)有睇住佢攞獎，仲send message恭喜佢，佢話同緊人慶祝，我叫佢有時間同我哋慶祝。我好多謝好多人咁幫欣宜，好似Wyman，真係對佢好好，今次佢攞獎，證明佢鍾意唱歌係有回報。」
秋官還笑住說：「欣宜叻過我。希望佢繼續努力，繼續有好成績啦。」◇
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
