張敬軒扮MIRROR12仔嘆「男團夢幻滅」 自責無為新生代帶來傳統娛樂圈「祖蔭」

即將在紅館補開演唱會的張敬軒（軒仔）昨日（7日）在社交媒體上載影片，一人分飾Mirror12仔造型，無論妝容還是衣著眼神，都要做到十足十似，他感觸發千字文嘆：「男團一啲都唔易做」、「我的男團夢已幻滅」。並直言，「我呢一代並無為佢哋帶嚟過往傳統娛樂圈嘅所謂『祖蔭』」。

「出嚟行走漿糊（江湖），梗係要俾啲挑戰自己。經過呢十幾個鐘頭嘅化妝同拍攝，我正式宣布：男團一啲都唔易做 #我的男團夢已幻滅」軒仔幽默開篇，指自己給自己一個巨大的挑戰，扮12個鏡仔造型。

要化12個不同的妝容、穿12套不同風格的衫褲，還要配合眼神造型，並展現出每一個人不同的神髓，他感嘆，「真係一件唔簡單嘅事。淨係擺pose，真心扭到我條腰又痛，腳仔都淵埋，冇番咁上下跳舞底子真係搞唔掂」。

只是擺pose已經搞到軒仔大嗌辛苦，不過「仲有，本公要收起我平時嗰啲嘅滄桑又帶啲憂鬱嘅眼神，要用佢哋嘅嗰種自信又堅定嘅眼神望住鏡頭，真係好大挑戰。」

原來，最難係軒仔要收番自己「滄桑又帶點憂鬱的眼神」，搞到軒仔直言：「無咩事我出番去按吓條腰先」。

80後張敬軒，從2002年入行至今已經整整20年。軒仔坦言，從入行到而家，都叫做見證過三四代唔同的Artist年代。當中有成功的，亦都有雖然好努力但係運氣爭少少的。他說，「我哋呢一行同好多嘅行業都一樣，好現實，就算幸運之神再點樣眷顧你，你自己唔俾心機、唔努力嘅話，係唔可能獲得成績。」

例數MIRROR男團成軍過程，他指12個年輕人，4年前都是從這個城市的四面八方、各行各業裡面走出來，為了自己的夢想同信念去參加比賽，「因為憑着自己的努力同觀眾的支持，在這過程當中一步一步進步，跌低又爬番起身，氣餒又重新振作，最後成軍進入樂壇，成為今天本地最成功、人氣最高嘅男子組合。」

他說，這個世界沒有免費午餐，雖然有賴每一位支持和幫助，「我相信每個行內人都可以想像過去呢幾年佢哋嘅瘋狂期表。佢哋有而家嘅成績，除咗觀眾嘅支持，仲有佢哋自己嘅汗水同付出，無論體力同意志力上都係極大嘅挑戰。」

軒仔誠意提醒大家，身為觀眾，對於當下這一代的歌手，當中有做得未夠好的、稚嫩的地方，可以通過提醒他們，或者將自己的看法和經驗分享給他們，以令他們能夠少走彎路，不斷進步。而對於有更大潛質、更多可能性的，可以在自己能力範圍內為他們創造條件，讓他們繼續有更好、更大的舞台發揮。

軒仔誠意而感觸表示，「呢個係佢哋呢個新時代嘅環境，亦都係機遇。我覺得我呢一代並無為佢哋帶嚟過往傳統娛樂圈嘅所謂『祖蔭』，佢哋自己想得到嘅、想做到嘅，都要靠佢哋自己雙手喺呢個新環境當中去開創同嘗試。」

軒仔亦不忘寄語新一代的樂迷，在支持自己喜愛的歌手之餘，亦都可以嘗試對其他資源比較少的新單位給予鼓勵和關注，而過程中，亦可能都會發現自己喜愛的其他音樂類型，擴闊自己的音樂品味。

「樂壇係由我哋同樂迷一齊組成，有樂迷，先至有樂壇存在嘅價值。過去嘅美好，我哋當然會珍而重之咁樣放在心中珍惜回味，但將來嘅美好，需要靠我哋把握每一個當下去開創。」

軒仔由衷表示，「所謂年青，就係充滿鬥志同希望，喺面對嘅盼望、挫折、成功、失敗、批評、質疑、失落、迷失當中尋找方向，再搵到新嘅起點，重新出發，向住標竿直跑。」

他說，從12位鏡仔身上，見證到這個地方的年青人的精神同生命力，以及創作力。他們的成功故事，亦給其他不同年齡層的人看到，「只要你夠努力同堅強，就會有成功嘅機會，相信你嘅人就會支持你。」

最後他祝大家都用心鏡照下自己，如何不負青春，勇敢前行：「祝我哋大家都通過心入面嘅嗰面鏡，照出自己嘅優點同善良，相信自己、勇敢前行，不負青春」。@

------------------
請訂閱新官方YouTube頻道：
https://bit.ly/2XxPrsd

------------------

張敬軒扮MIRROR12仔嘆「男團夢幻滅」自責無為新生代帶來傳統娛樂圈「祖蔭」