張衛健與梁詠琪（GiGi）因有份參與聲演動畫《星夢動物園》，前日在圓方出席該電影的首映禮，出席嘉賓還有周美欣、安俊豪等。
健仔寧當世叔伯不做契爺
張衛健提到蘇永康（阿公）宣佈老婆馮翠珊有喜5個月，49歲才做爸爸可說是「老來得子」，他也戥阿公高興。不過健仔就一臉嚴肅的提點阿公說話要小心，講自己生仔就講生仔，不要講其它再生枝節，健仔真係為朋友想得周到。（會否做契爺？）健仔即一口拒絕並表示：「唔好預我，做世叔伯算啦，做契爺要供書教學。」
張衛健像是大哥哥，與一班可愛小朋友合照。（宋祥龍／大紀元）
會教孩子要正直不好名牌
蘇永康之前表示擔心Big Four會教壞個仔，健仔即笑說：「每人教佢自己嘅強項，我會教歷史、人體學、追女仔、做戲、做個正直可靠的人，嫖賭飲吹就等佢哋教，真係好戥佢開心，老懷安慰。到時有人同阿公擔幡買水，原本係我負責拎車頭相，依家我負責揸車。」健仔仲透露阿公將做爸爸，外表變得溫柔了，衫買少了，不知是否慳來買BB衫。健仔仲同阿公講：「唔好買咁多名牌，如果唔係細路大個咗冇名牌都唔掂。」
張衛健表示做契爺要供書教學，所以不要預他。（宋祥龍／大紀元）
GiGi擔心囡囡睇戲會怕黑
GiGi表示好想帶囡囡Sofia入戲院睇《星夢動物園》這部戲，不過擔心囡囡怕黑，到時在戲院內喊，會影響其他人。而提到GiGi主演的電影《骨妹》入圍「第一屆澳門國際影展暨頒獎典禮」競賽單元，GiGi開心表示：「好期待導演會攞奬。」GiGi笑稱當再看《骨妹》這部電影時，覺得自己當時的身形好肥，仍未收身。◇
梁詠琪想帶囡囡看自己聲演電影，不過擔心她怕黑。（宋祥龍／大紀元）
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
