行政長官唯一候選人李家超日前當選,他表示已著手展開組班工作。政圈有傳民建聯立法會議員葛珮帆看好「創新及科技局局長」一職。新民黨主席、行會成員葉劉淑儀昨日(9日)在接受商台訪問時表示,拒絕評論個人,但就透露,「當然聽到佢都好想入政府」,但同時表示,創科局局長人選要「真係有啲學歷至得」。

葉劉淑儀在接受訪問時稱,未曾和李家超仔細談及組班問題,因對方近月忙於選舉工程,希望稍後有機會和他討論特區政府需要什麼人才,但就強調不一定和新民黨有關。

被主持人問及葉劉過去一向關注創科議題,對下一任局長人選有何建議時,葉劉直言:「真係唔係普通識應用啲APP咁喇。如果香港要做國際創科中心,對自己要求高啲,即係你要幫到國家嘅,你都要搵啲人識得Deep Tech(深度科技)先得㗎,即係唔係啲皮毛吖嘛,真係有啲學歷至得。」

她續表示:「你出去見人,國際社會都唔可以太失禮啦,你做國際創科中心喎,你啲quali(質素)同新加坡一比,跌咗落去就真係好醜怪。」

對於李家超的新問責班子,葉劉稱,民政局局長一職應屬民建聯囊中物「幾適合佢哋做」,又主動提及勞福局副局何啟明,讚揚他態度積極,認為有得留低。@

政圈有傳民建聯立法會議員葛珮帆看好任「創新及科技局局長」一職。資料圖片。(宋碧龍/大紀元)
政圈有傳民建聯立法會議員葛珮帆看好任「創新及科技局局長」一職。資料圖片。(宋碧龍/大紀元)

------------------
請訂閱新官方YouTube頻道:
https://bit.ly/2XxPrsd

✅立即支持訂閱:
https://hk.epochtimes.com/subscribe
✅直接贊助大紀元:
https://www.epochtimeshk.org/sponsors
✅成為我們的Patron:
https://www.patreon.com/epochtimeshk