「當年仲係會考未係DSE」藍奕邦(邦邦)昨晚(22日)在社交平台回望並分享自己當年會考經歷,鼓勵同學仔:「呢一刻盡咗力就得架喇」。重溫邦邦去年重新改寫的歌曲《身體健康》,借用邦邦一句話祝福同學仔:「只想和你身體健康。」

呢一刻盡咗力就得架喇

創作歌手、唱片監製、舞台劇演員藍奕邦(邦邦),望見今屆DSE考生遇到前所未有的「考試」,在社交平台有感而發:「當年仲係會考未係DSE,1995年Form5嘅我,又去補習又狂做mock paper(模擬試卷),以為以後食粥食飯就係睇個會考考成點。而家回望返,會考真係只不過係人生好細小一頁。我絕對係嗰隻考完將所有野俾返晒老師嘅學生。」

原來,邦邦日後創作歌曲的靈感都唔係來自當年考試。他說:「考試係一時,學習係一世。各位應屆DSE考生,我相信你哋個個都好努力,所以唔好俾自己太大壓力。考得好與唔好都好,最緊要問心無愧,同埋記住,人生最重要嘅知識唔只來自於課堂同書本,高分可以係高分低能,考得唔合格唔代表人生終結。呢一刻盡咗力就得架喇。」

他最後鼓勵大家並祝同學仔好運:「大家加油! 但都要stay chilled。Good luck!」並hashtag:#95年你出咗世未#商科生 #有興趣可以翻查校刊睇我會考成績#咪又係走咗去做歌星  

欣賞王宗堯並合作  因為「只想香港健康」

去年11月尾,邦邦PO文道:「只想 香港健康  見字要多多飲水 身體好先叫威風  腰骨挺起不驚怕亂世  有日最終無病痛」。

之後他續寫道:「大家睇咗腦細 @lam1hey (林日曦)話悶到喊嗰條十字奶廣告未呀?十個單位,九個自行錄vocal比我砌返埋一齊,唯獨佢,我有機會親自錄音。好榮幸,係佢唱我重寫嘅四句。多謝男神 @gregorywong 。」

疫情已經持續2年,一句身體健康的祝福,已經富有深意。而藍奕邦就將早年創作的張衛健版《身體健康》,改編成由10個單位合唱的十字奶廣告歌《只想和你身體健康》。

廣告片在腦細林日曦話悶到喊的反宣傳下,一夜之間在社交平台廣傳,而男神王宗堯就罕有地露面並開金口,壓軸高唱由藍奕邦重寫的幾句歌詞:「我只想香港健康/見字要多多飲水/身體好先夠威風/腰骨挺起不驚怕亂世/有日最終無病痛」,網絡唱作歌手晴天林亦有參與演唱,令到不少網民睇到隻歌眼濕濕。而在今時今日的香港,一句簡單的問候「身體健康」都已經富有深意並非簡單做到。最後借用邦邦的話,祝福今屆考生:「呢一刻盡咗力就得架喇」、「只想和你身體健康」。@

藍奕邦昨日PO文鼓勵DSE考生:盡咗力得架喇。(藍奕邦IG)
藍奕邦昨日PO文鼓勵DSE考生:盡咗力得架喇。(藍奕邦IG)

藍奕邦去年曾和王宗堯合作《只想和你身體健康》。(藍奕邦IG)
藍奕邦去年曾和王宗堯合作《只想和你身體健康》。(藍奕邦IG)

------------------
請訂閱新官方YouTube頻道:
https://bit.ly/2XxPrsd

✅立即支持訂閱:
https://hk.epochtimes.com/subscribe
✅直接贊助大紀元:
https://www.epochtimeshk.org/sponsors
✅成為我們的Patron:
https://www.patreon.com/epochtimeshk

------------------

📰支持大紀元,購買日報:
https://www.epochtimeshk.org/stores
📊InfoG:
https://bit.ly/EpochTimesHK_InfoG
✒️名家專欄:
https://bit.ly/EpochTimesHK_Column