張敬軒（軒仔）昨日在IG動態分享一道色澤鮮豔豐富的蔬菜，忍不住一邊笑一邊用叉指住盤中疑似西蘭花的菜說：「她用菜心來扮西蘭花！」PO文12個鐘，已有近5.9萬人按讚，其中包括周庭、王宗堯等。亦有網民笑道：「我今晚食菜芯，留返啲花比你。」

遮遮正由廚師向導演方向進發

軒仔發文寫道：「今朝有個online meeting，所以尋晚同佢講定今日唔使整午餐，早餐豐富啲就得了。」之後，他PO出同工人姐姐的對話：

佢問「蛇（Sir）， do you want some veggie 」（先生，您想吃點蔬菜嗎？）
我話 「Yes pls ⋯⋯ May I have some broccoli ？」（好呀，我可以吃西蘭花嗎？）遮遮 （姐姐）「Of course 」（當然可以呀）

於是，軒仔話：「好喇，咁我就放心去瞓啦係咪。」點知，瞓醒之後。他續寫道：「今朝，佢焗左雞翼同埋炒咗雜菜俾我，我覺得超開心！坐到埋枱，硬係覺得碟餸有啲怪怪哋，但係又講唔出怪喺邊度…」順便，他介紹說，#tefal個鍋整啲雞翼係脆皮㗎吓，我話你知。

之後，又入番正題，他寫道「直至我發現啲西蘭花#疑似嘅嘢原來係芥蘭花 #佢真係真心正！」

跟住我問佢「Errmmm… hi … the broccoli looks a bit different than…」（ #中文翻譯 #喂呢舊唔_係西蘭花嚟㗎喎？！」

跟著佢話「Yah, it’s Choi Sum #其實係菜心 , but I cut it, looks the same」 #個樣勁Cheerful （工人姐姐回答說，其實是菜心，我切的比較似西蘭花。」之後，軒仔給出一個啼笑皆非的表情符號。

 

 

自嘲：四體不勤 五穀不分

擁有85萬粉絲的軒仔，發文後12個鐘，已經引發5.9萬人按讚，其中包括周庭、王宗堯。不少網民回應PO文，有人忍不住問：「咁啲葉去曬邊？我勁中意食菜心葉。」

「未睇文字前，真係以為係西蘭花，可能係煮淋咗同埋切細咗，原來係『扮嘢菜』！遮遮掂呀！ #奥司卡金像獎應頒给你！」亦有網民認真話：「唔係芥蘭頭呀，係真係有呢種菜，叫 #broccolini，係真係西蘭花同芥蘭嘅混種。」

相信軒仔看過大家的留言，之後加hashtag補充說：「#得喇得喇得喇 #我自己加返自己個tag #四體不勤五穀不分張敬軒」「 #長知識系列 經過網友介紹，原來係芥蘭同埋西蘭花生嘅BB 叫 #broccolini #不過佢都係當菜心咁買 #呢單嘢由頭錯到落尾笑_死 」

字句中可見，軒仔對遮遮（工人姐姐）都非常之友善和包容，他續寫文讚道：「其實過去嘅大部份時間入面，我阿遮嘅廚藝可謂突飛猛進，尤其我老母喺香港嗰三個月嘅廚藝訓練營，都可謂將玉雕成器，令我嘅味覺回復正常。」

「唔知係咪因為復活節，令到佢蘊藏左喺心入邊好耐嘅創意又再復活… 」他讚遮遮今次做了導演，「 #喱鋪佢係導演 #佢搵咗阿芥蘭頭來扮西蘭花 #希望金像獎有佢提名 」

他還自嘲自己「四體不勤五穀不分」，並表示，「片段嘅旁白我噏錯咗應該係 #芥蘭 」。不過，就在這個周末為大家增添不少笑料。@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column