日前有「富貴KOL」之稱的YouTuber雪姨拍片實測比較兩間五星級酒店盆菜與基隆茶餐廳盆菜之質素,結果大讚星級酒店而狂踩基隆。事件惹來一連串猛烈抨擊,網民大怒直斥不公平。昨日,話題繼續發酵,連同樣是茶餐廳的大渣哥和歌手阮民安都忍不住發聲齊撐,西洋玄學家Benny師傅亦看不過眼,稱想會一會雪姨,並贈送一對揮春比雪姨。

狂踩「良心小店」惹眾怒  基隆餐廳要告「誹謗」

雪姨拍片玩真人實測,更以兩間星級酒店數百蚊盆菜比併茶餐廳百幾蚊盆菜,期間,雪姨大讚兩間酒店盆菜質素,而狂踩茶餐廳,引發網民一片負評甚至聲討,認為她拿大酒店與小餐廳比較不合邏輯。有人認為時下小店經營艱難,她竟雪上加霜踩多一腳,更趁機抽水賣廣告,事件處理的極之不恰當且缺少同理心。

位於深水埗的基隆餐廳是「良心小店」,該餐廳一直熱心助人,開店初期就曾加入露宿者行動委員會,派發飯盒給露宿者;每逢初一、十五,更會派齋飯予區內長者,照顧社區基層人士,因此有不少網民站出來為基隆抱打不平。

基隆餐廳昨日亦在Facebook發文還擊,指生意艱難的情況下,舖頭上下員工每日辛苦付出,卻遭「大口KOL詆毀本餐廳聲譽....我會考慮告你誹謗」。

渣哥發火直罵雪姨  王宗堯馬上落場力撐 

事件亦引起同業的譚小環老公渣哥發火。昨日,渣哥在Facebook感嘆:「唉正所謂口大食四方,搵到食發到財咁咪好囉,不過踩住人哋膊頭上就真係都幾XX下㗎!」

渣哥更以黃色大字重申「黃店已經難捱,畀條生路行吓啦,好嘛?」之後,更hashtag#同舟人誓相隨。對於渣哥義氣力撐,連藝人王宗堯都比Like表讚同。及後,渣哥又忍不住直接到場探班以表支持。

渣哥話突然好掛住基隆餐廳奶茶。(基隆餐檯Facebook)
渣哥話突然好掛住基隆餐廳奶茶。(基隆餐檯Facebook)

王宗堯亦親臨基隆餐廳,與老闆娘Cat姐影相打卡力撐,昨日他在臉書發文:「好味唔好味其實好個人。但係良知、公義、人情味、對與錯,呢啲普世價值,有就有,無就無。」

他又解釋,去食嘢時因為「放低咗啲口罩俾Cat姐發俾大家」,他並呼籲「大家有時間就落去基隆茶餐廳幫襯吓啦」。

夏蕙姨不示弱  貼地又「任性」地去食嘢

一向貼地又有個性的夏蕙姨亦不甘示弱,昨日在Facebook發相並留言:「突然間,我想叫肥豬,請我去深水埗基隆茶餐廳食嘢。其實...我係唔係好任性呢?」

歌手阮民安Tommy發文呼籲大家「撐基隆」。Tommy在Facebook發文表示:「一間一直照顧基層,用良心做實事,被正苦玩殘,都堅持初一、十五一定派反俾街坊嘅小黃店。親日竟然俾條大口婆為咗拍片踩到一文不值。」

Tommy續稱「基隆,我一定撐您。我食飯就一定淨係食黃店,基隆仲要又黃又抵又好食,俾你條大口婆咁講一講,仲使做生意嘅?」Tommy更呼籲大家「都要去撐返佢哋啊!」

西洋玄學家Benny師傅亦忍不住在Facebook斯文開聲,「雪姨姐姐,你得閒嘅話可以過嚟搵我吖,我私人送張揮春俾你,唔使錢免費㗎。」Benny師傅又在舖文下面貼出一副對聯:「預咗要還」,「還得好金」並幽默打趣「送夠一對俾你貼門口好唔好?」

玄學家Benny師傅要送對揮春比雪姨。(Benny 師傅Facebook)
玄學家Benny師傅要送對揮春比雪姨。(Benny 師傅Facebook)

雪姨拍片比併大酒店與茶餐廳盆菜質素

在YouTube擁有32萬訂戶、人稱雪姨的KOL(容可兒,Sharon Yung),最為人津津樂道的是其出手闊綽,投資有道的故事。5,000元起家,旗下已有8間公司。一年內購置2物業:一次過付950萬港元購買已故才女林燕妮半山故居贈母親,又以3000餘萬購買2400呎北角半山豪宅。對比疫情下不少打工仔朝不保夕的生活,可謂「人生勝利組」。

雪姨亦是成功KOL,拍片「帶貨」兼賣廣告功力和收入都相當可觀。日前拍攝實測盆菜比併,以五星帝京酒店二人份盆菜($788)及五星級酒店Ritz-Carlton一人份盆菜($688)與深水埗基隆茶餐廳一人份盆菜($128)做比較,結果分數則依次為7.5分、9分及2.5分,同時又狂踩基隆茶餐廳,稱基隆餐廳「唔抵食」「髮菜少」、「Dee,隻蝦肉霉」、「髮菜得一小撮」,鮑魚差Ritz-Carlton「太遠」,期間,雪姨更趁機置入生髮液廣告。@

------------------
請訂閱新官方YouTube頻道:
https://bit.ly/2XxPrsd

✅立即支持訂閱:
https://hk.epochtimes.com/subscribe
✅直接贊助大紀元:
https://www.epochtimeshk.org/sponsors
✅成為我們的Patron:
https://www.patreon.com/epochtimeshk

------------------

📰支持大紀元,購買日報:
https://www.epochtimeshk.org/stores
📊InfoG:
https://bit.ly/EpochTimesHK_InfoG
✒️名家專欄:
https://bit.ly/EpochTimesHK_Column