香港羽毛球「一哥」伍家朗，日前因球衣遭民建聯穆家駿「強烈譴責」。28日伍家朗出戰東奧羽毛球男單分組賽落敗，不少運動員發文，支持伍家朗。
香港著名足龍門將葉鴻輝28日在其Instagram發文批評：「有啲人做既野好簡單，㩒幾個制去搶Fo出位，那啲人叫小薯」。他亦稱讚伍家朗「有啲人花一生努力，為嘅可能只係參加一次國際性運動會，為香港出戰，依種人係香港運動員」。他直言「唔支持唔緊要，但係唔好破壞」。
有網民在該貼文下方表示同樣看法，「就係為左一句說話，就抹殺左咁多年既努力，真係對個運動員好唔抵」，「為獻媚浪費人一生努力」。
前足球先生、退休港隊鋒將陳肇麒28日亦在Facebook表示，「伍家朗，錯不在你。加油！全香港人都撐你！」他另外指「一段文字影響左人幾年嘅努力」。
另有網民在貼文下方感嘆球衣對伍家朗的影響，「冷氣軍師剩係會坐喺冷氣房打字批鬥，點會知道一件波衫嘅排汗功能對運動員影響有幾大」。
伍家朗28日賽後雖然表明球衣風波不是發揮不好的主因，但承認適應新球衣有少許影響，坦言自己已儘量調整過心態。
伍家朗遺憾出局：有人就係做劇嘅主角
28日伍家朗在IG發表貼文表示：「有啲人註定就係做悲劇嘅主角。」不過他也對大眾的支持表示「好感動好窩心」。
在24日的單打比賽中，伍家朗因為沒有穿帶有特區區旗的球衣遭到建制派狙擊，民建聯穆家駿在Facebook上對球衣沒有區旗「強烈譴責」並且稱「如果不想代表中國香港，請選擇退賽。」
伍家朗之前在IG中表示自己未獲得贊助商贊助球衣，在準備球衣時考慮的是穿得舒服。同時因為未獲得港府授權，因此不能私自印區旗。他說：「鬧還鬧，唔該搞清楚件事先鬧啦。」
「始作俑者」穆家駿在伍家朗比賽完結後，在其YouTube頻道發文，稱高興見到港隊「袍甲鮮明」，又稱「在Facebook發表的評論語氣有點過重，在此表示歉意」，但沒有指明道歉對象。◇
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
