假日嘅灣仔少咗繁忙嘅上班一族,顯得特別優閒,今次同朋友去試吓呢間傳聞中好有文青氣息嘅花園café扮吓文青先!

呢間café本身亦係一間花藝店,一入門口已經見到好多鮮花同盆栽,經過花店走入就係café,周圍連樓梯都係放滿花草植物同盆栽,坐喺其中真係好似置身於花園中,賞心悅目好relax。

café周圍連樓梯都係放滿花草植物同盆栽,坐喺其中真係好似置身於花園中。
café周圍連樓梯都係放滿花草植物同盆栽,坐喺其中真係好似置身於花園中。

café面積唔大坐位唔太多,一眼望去只有一張大枱、幾張四人枱加兩張二人枱。枱凳都係木製好有田園氣息,高高嘅樓底吊住兩盞大燈,燈罩係剪紙做成有啲似雀籠幾靚幾特別。

樓底吊住兩盞大燈,燈罩係剪紙做成有啲似雀籠幾靚幾特別。
樓底吊住兩盞大燈,燈罩係剪紙做成有啲似雀籠幾靚幾特別。

佢嘅食物用咗好多新鮮健康嘅食材例如甘藍、藜麥、紅菜頭、無花果、乾果,亦有素食選擇,非常健康。

餐廳係半自助形式,自己攞餐牌揀好食物,先去收銀處點餐畀錢,然後佢會畀一個號碼牌你返座位坐,食物整好後由侍應送上,水、餐具同調味料都係自助形式。

我同個朋友都唔係太肚餓,所以點咗個羽衣甘藍雜菜沙律、瑪嘉烈特芝士薄餅、加一杯薄荷青檸梳打同埋美式咖啡。

今次點咗個羽衣甘藍雜菜沙律、瑪嘉烈特芝士薄餅、加一杯薄荷青檸梳打同埋美式咖啡。
今次點咗個羽衣甘藍雜菜沙律、瑪嘉烈特芝士薄餅、加一杯薄荷青檸梳打同埋美式咖啡。

沙律份量都幾多,蔬菜都新鮮,上面放咗一啲乾果,配搭幾清新唔錯!薄餅個餅底做得好薄,如果能夠再脆啲就更好,最鍾意上面原粒番茄好新鮮兼且正好中和薄餅嘅油膩感,讚!薄荷青檸梳打係悶熱天氣嘅首選,清新又解渴,美式咖啡就中規中矩冇咩特別。

羽衣甘藍雜菜沙律,沙律上面放咗一啲乾果,配搭幾清新唔錯
羽衣甘藍雜菜沙律,沙律上面放咗一啲乾果,配搭幾清新唔錯

瑪嘉烈特芝士薄餅
瑪嘉烈特芝士薄餅

最鍾意上面原粒番茄好新鮮兼且正好中和薄餅嘅油膩感。
最鍾意上面原粒番茄好新鮮兼且正好中和薄餅嘅油膩感。

薄荷青檸梳打係悶熱天氣嘅首選,清新又解渴。
薄荷青檸梳打係悶熱天氣嘅首選,清新又解渴。

呢間café真係好多新鮮蔬菜沙律嘅配搭,好適合好似我呢啲鍾意少肉多菜嘅人,由其夏天冇咩胃口唔想食肉,食返個新鮮嘅蔬菜沙律真係好清爽㗎!◇

米芝Gi鍾意飲飲食食,對食物質素絕對有要求, 食勻港九新界大小特色餐廳、街頭特色小食;對於市面上嘅新事物,不講論健康生活,扮靚潮流資訊佢都會留意去嘗試,有好嘢正嘢筍嘢鍾意開心share,係地道港女一名! 依家佢藉機會將愛好分享畀大家。如有好嘢正嘢想同米芝Gi分享,或者查詢及反饋,請email:micgigidjy@gmail.com