前港姐鄭文雅(Olivia)昨日舉辦攝影集《把緣留住》分享會,會出版這本攝影集,是擔心自己會患上腦退化(認知障礙症),因此想提早拍攝照片,為自己的人生留下紀錄,想把緣留住。Olivia的外婆及媽媽都分別罹患腦退化,因為是家族遺傳,Olivia也預告自己很有可能多年後也會罹患同樣病症。

家族遺傳分享認知障礙症的甘苦

分享面對外婆及媽媽患上認知障礙症的經驗,Olivia話:「我婆婆同媽媽都有呢個病,婆婆嗰時仲失咗蹤,嗰時60年代我仲細,同埋科技冇咁發達,所以搵唔番婆婆,呢件事對我好大影響。而媽媽前年過咗身,佢都捱咗10年,自理能力冇咗,我都有成日飛去倫敦睇佢,同埋見到家姐照顧佢都會有心理壓力,因為屋企人患病會怕唔知點面對,雖然最後都去老人院,但都有好多濕碎嘢要照顧。」

出攝影集記錄人生的緣同時也助公益

前港姐鄭文雅舉辦攝影集《把緣留住》分享會,分享面對家族遺傳腦退化的經驗。(機構提供)
前港姐鄭文雅舉辦攝影集《把緣留住》分享會,分享面對家族遺傳腦退化的經驗。(機構提供)

因為家族遺傳的關係,Olivia不諱言自己也可能會患病,出版攝影集,記錄自己人生的緣,Olivia話:「我想幫身邊一班來自不同界別嘅朋友影咗相先,當開Party,點都好開心咗先,亦都記錄咗香港呢個時代做緊咩,同埋自己人生中嘅15段緣。」

Olivia話,本書都有講:「人同景都唔係永恆,特別香港咁快速變化嘅城市,要更好好珍惜,亦都係作為被選出嚟嘅香港小姐送畀香港一份禮物。」Olivia想把攝影集的全數收入都捐出,幫助有認知障礙症的病人、家庭及低收入人士。◇