藝人古天樂(古仔)及杜如風(Helen)昨日到銅鑼灣出席信用卡公司的公開活動。Helen親身上陣進行「碌喼」比賽,古仔則擔任評述員。Helen非常賣力投入比賽,全程領先,中途雖然發生「墮喼」意外,但Helen最終仍贏得冠軍。

杜如風(Helen)「墮喼」 好彩冇大礙

被問到是否重回無綫拍戲, 古仔說:收視重任好難擔當喎。(宋祥龍╱大紀元)
被問到是否重回無綫拍戲, 古仔說:收視重任好難擔當喎。(宋祥龍╱大紀元)

Helen參加「碌喼」比賽,中途不慎「墮喼」,倒在地上,Helen坦言「墮喼」發生前,韌帶已因打泰拳受傷,舊疾有點痛,但好彩冇大礙,Helen說:「依家做緊物理治療。其實醫生叫我起碼休息半年,唔好做運動,依家我喺屋企唔係食就瞓,一係寫吓稿咁,悶死喇。係都要幫無綫拍旅遊節目先,佢哋都等緊我,暫時未諗去邊拍。」有人提議Helen可坐輪椅拍旅遊節目,Helen說:「佢哋唔畀,因為有啲百貨公司唔入得,依家悶死我,冇得運動,冇得行街,不過我有上網買嘢,手指運動。」

不慎「墮喼」 仍順利贏得冠軍

Helen非常賣力投入比賽,全程領先。雖然中途不慎「墮喼」,倒在地上,但她立馬重上喼繼續比賽,最後順利贏得冠軍。

重回無綫拍戲?古仔: 收視重任好難擔當喎

近日無綫要開拍新戲,被問到有無意願重回無綫拍戲,古仔說:「收視重任好難擔當喎。無綫係間中有搵過我,不過要睇劇本同時間囉。(想同邊個合作?)可能好多年後喇,依家講乜都冇用。」古仔直言自己閒時亦有睇電視:「主要係食飯時陪爸爸睇啫,我以前有劇出,佢都一定錄起佢,只係依家錄影機睇番啦。(爸爸讚你演技?)佢讚都唔係中肯啦。」

古天樂(古仔)家中 最少有3、40個喼

古仔表示去旅行有一個指定動作,就是買喼,家中最少有3、40個喼,家中更有間房專門擺喼。古仔說:「去旅行買喼係指定動作,屋企有間房要嚟放喼,大大話話有3、40個。我會買平平哋嘅,爛咗可以喺屋企放衫。」

古仔擔任評論員 專家Dickson上陣比賽 FB直播好有趣

杜如風(Helen)勇奪冠軍。(左起:專家Dickson、杜如風、古天樂)。(宋祥龍╱大紀元)
杜如風(Helen)勇奪冠軍。(左起:專家Dickson、杜如風、古天樂)。(宋祥龍╱大紀元)

活動舉行的同時,主辦單位也在FB上直播現場情況。古仔與專家Dickson日前就合作過搞笑影片,今次同台,古仔擔任評論員,專家Dickson則上陣同杜如風比賽。主持人在介紹古仔時,還說古仔是香港三屆冠軍練喼師古天樂Louis Koo ,網友直呼好有趣。古仔分享買喼,網友也留言說:「太有趣了!覺得行李箱很耐用,看live很過癮。」◇