張衛健與梁詠琪(GiGi)因有份參與聲演動畫《星夢動物園》,前日在圓方出席該電影的首映禮,出席嘉賓還有周美欣、安俊豪等。

健仔寧當世叔伯不做契爺

張衛健提到蘇永康(阿公)宣佈老婆馮翠珊有喜5個月,49歲才做爸爸可說是「老來得子」,他也戥阿公高興。不過健仔就一臉嚴肅的提點阿公說話要小心,講自己生仔就講生仔,不要講其它再生枝節,健仔真係為朋友想得周到。(會否做契爺?)健仔即一口拒絕並表示:「唔好預我,做世叔伯算啦,做契爺要供書教學。」

張衛健像是大哥哥,與一班可愛小朋友合照。(宋祥龍/大紀元)
張衛健像是大哥哥,與一班可愛小朋友合照。(宋祥龍/大紀元)

會教孩子要正直不好名牌

蘇永康之前表示擔心Big Four會教壞個仔,健仔即笑說:「每人教佢自己嘅強項,我會教歷史、人體學、追女仔、做戲、做個正直可靠的人,嫖賭飲吹就等佢哋教,真係好戥佢開心,老懷安慰。到時有人同阿公擔幡買水,原本係我負責拎車頭相,依家我負責揸車。」健仔仲透露阿公將做爸爸,外表變得溫柔了,衫買少了,不知是否慳來買BB衫。健仔仲同阿公講:「唔好買咁多名牌,如果唔係細路大個咗冇名牌都唔掂。」

張衛健表示做契爺要供書教學,所以不要預他。(宋祥龍/大紀元)
張衛健表示做契爺要供書教學,所以不要預他。(宋祥龍/大紀元)

GiGi擔心囡囡睇戲會怕黑

GiGi表示好想帶囡囡Sofia入戲院睇《星夢動物園》這部戲,不過擔心囡囡怕黑,到時在戲院內喊,會影響其他人。而提到GiGi主演的電影《骨妹》入圍「第一屆澳門國際影展暨頒獎典禮」競賽單元,GiGi開心表示:「好期待導演會攞奬。」GiGi笑稱當再看《骨妹》這部電影時,覺得自己當時的身形好肥,仍未收身。◇

梁詠琪想帶囡囡看自己聲演電影,不過擔心她怕黑。(宋祥龍/大紀元)
梁詠琪想帶囡囡看自己聲演電影,不過擔心她怕黑。(宋祥龍/大紀元)