現年29歲的鄭欣宜(Joyce)在九展舉行一連兩場演唱會,頭場原本於21日開騷,但因受颱風影響而改期。前晚(23日)尾場,欣宜化身黑金女戰士戴上水晶面罩,勁歌熱舞唱《分手是常識吧》揭開序幕,現場氣氛熾熱。欣宜全晚換上6個不同造型,喊足9次。

獲軒仔祖兒鼓勵打氣

張敬軒在Encore環節做表演嘉賓,他同欣宜唱《青春常駐》,軒仔還為欣宜「眼淺」護行:「不過流下眼淚對你嚟講係好,蒸發下啲水份。」欣宜聽罷好多謝軒仔,因打風關係專誠推了appointment都來做嘉賓。軒仔更爆料,早前出席大台慈善騷記招時,畀秋官拉埋一邊,「佢話『多謝你呀!多謝你做我個女嘅表演嘉賓!』當時我見到秋官的眼神,係從來沒有在電視劇集、舞台上看過的,是一個慈父、一個爸爸,好多謝身邊的人幫助自己囡囡嗰種感激嘅眼神,所以我想話你聽,你好幸福!」講完,欣宜再爆喊。

而容祖兒就用自嘲來為欣宜打氣,「欣宜有一樣嘢好似我,覺唔覺得我同欣宜係嗰種觀眾第一吓望落去,尤其是男觀眾,唔會令你吞口水嗰啲女人,通常都係反白眼!我同自己講既然做唔到嗰類型,我就要做一個你哋聽到我把聲就會喜歡嘅類型。」觀眾報以熱烈掌聲,兩人更又攬又抱兼咀嘴。

欣宜淚流滿面答謝觀眾

鄭欣宜演唱會尾場喊足9次。(網絡圖片)
鄭欣宜演唱會尾場喊足9次。(網絡圖片)

全場喊足9次,期間欣宜都開心表示:「做咗6年歌手終於可以開處女演唱會,真係好開心!我依家好亂,之前諗嘅嘢忘記晒!」而在尾聲時Joyce更說出心聲:「我知自己唔係特別好,脾氣大又零記性,成日不斷問人又擔心,以為自己一個人可以應付得來,最終搞到好麻煩!今次個騷感受到大家好錫我,我知道自己不是孤單一人。」◇

------------------

📰支持大紀元,購買日報:
https://www.epochtimeshk.org/stores
📊InfoG:
https://bit.ly/EpochTimesHK_InfoG
✒️名家專欄:
https://bit.ly/EpochTimesHK_Column