前日藝人溫碧霞(Irene)出席電影《點五步》首映禮,她說剛剛過去的生日令她好珍惜、好難忘。時間過得很快,她表示會更加珍惜身邊的家人、朋友及工作,當然還有對她不離不棄的粉絲啦!

Irene最近去北京拍廣告,透露今年她50歲生日是在工作中度過。不過就有好多生日活動及聚會安排了。其中最難忘、最驚喜的派對是有粉絲送咗個6層高嘅生日蛋糕同佢慶祝,還有一個粉絲更送咗一隻價值70萬嘅名錶給她。Irene表示她都係事後拆禮物才知道,這份禮物實在太貴重,如當場知道都不會收下。不過她就寧願粉絲將這份心意去做善事,如捐去建學校,幫助有需要的人,她會更開心。

(粉絲送如此厚禮老公有冇呷醋?)唔會啦!她坦言老公有時都會買珠寶給她,她都是戴過一兩次,覺得好浪費,不如將所花費的金額用來做善事會更好。(這位闊綽粉絲係男定女?)是一位穩重型男士,我都係第一次見佢。◇