日前吳鎮宇、古天樂、張家輝、許紹雄(歡喜哥)、佘詩曼及韓星李成敏(Clara)等藝人出席電影《使徒行者》首映禮,而當中另一亮點是擁有豐滿身材的Clara,她以黑色露背Deep V晚裝成功搶鏡,就連女主角佘詩曼都被擠到台邊。

阿佘快閃做宣傳

被問到日前在中國大陸宣傳套戲時的情況,阿佘表示她要在好短的時間內到訪上海、武漢及重慶,她說:「好似電波之旅,不過今次有個好特別經歷,就係有個fans心口個紋身有我個樣,不過佢最後門口都入唔到就畀人捉走咗。我都係事後佢喺微博講返才知道,我諗佢都係用張印水紙來做了。」

(來臨又會有甚麼安排呢?)她透露會隨團去廣州宣傳,不過今次應該沒有那麼辛苦了,因為全程是坐車的。

至於有說《使徒行者》會再拍電視版續集,想用原班人馬,但阿佘則表示自己與林峯已經離開了大台,所以釘姐這個角色誰去演,她則沒有建議。

「禁韓令」對Clara不甚影響

Clara接受訪問時,提到近日中國大陸實施「禁韓令」,她提到自己的工作近況表示:「最近喺韓國都係忙緊做美容節目,之後去北京做宣傳,都唔係好覺有出入唔方便,之前在中國大陸其它地方做宣傳都okay。」

鎮宇要同儀器做對手戲

吳鎮宇在戲中有很多鏡頭都需要他一個人同儀器演的,他透露:「我喺獨家村,戲入面係冇晒朋友、冇晒對手,因為成日要同啲儀器做對手戲。」不過好彩導演安排他與阿佘有感情戲,至少有個人在戲中與他有交流,他笑說都係對他的一種補償。被問到套戲有哪一部份最精彩,3位男主角都表示最想睇係最後一幕追斬戲,拍這個戲份唔感到辛苦,因為分幾日拍,所以他們都讚錢導(錢嘉樂負責動作指導)安排得好好。◇

 

韓國演員李成敏(Clara)。(網絡圖片)
韓國演員李成敏(Clara)。(網絡圖片)